2006: Resultat og bilder

Då er julegristurneringa 2006 gått over i historia. På damesida vart det ein naustdalsfinale mellom Smashing Pumpkins og Sturles Ynglingsdisiplar, der dei førstnemnde tok heim sigeren 2-0. Siri Line Hove Ås markerte seg sterkt som ein kraftfull angripar her. Biletet under viser Mari Standal og Silje Thuland som effektivt stoppar eit angrep i finalen. Dei glade vinnarane:

Silje Thuland, Elisabeth Skrede, Linda Sølvberg Storøy, Torill Nummedal, Mari Standal, vesle
Malin og Anne Marit Sølvberg Rygg. Siri Line Hove Ås er ikkje med på bildet.

På herrsida vann Jølster All Star finalen mot Vik. Her var det sentrale elitespelarar på begge sider av nettet. Ein opplagt oppleggar, Tor Kristian Kvammen, var tunga på vektskåla som sikra at skinka vart verande i Sunnfjord.

Knut Hvidsten, Øyvind Gjesdal, Stig Myrmel, Tor Kristian Kvammen, Magnus Sellevold og Kjell Olav Førde.

Under ser vi Jan Egil Tvinde i duell mot Jølster si tre-manns blokk og nederst Vik sitt mannsterke lag.

2006: Oppsett med klokkeslett

Oppsettet med klokkeslett kan du finne her:

Kampane blir altså spelte best av tre sett, og alle setta startar på stillinga 5-5.
For å tilfredsstille ynskja om å starte seint, spele mykje og slutte tidleg er det sett av 40 min til kvar kamp. For å komme i mål med dette må alle ta ansvar for å halde seg orienterte om sine neste kampar og å møte i tide. Vi har ikkje tid til oppvarming på bana.

Finalane blir spelte frå 0-0.

2006: Grafisk oppsett damer

2006: Grafisk oppsett herrar

2006: Starttidene er klare

Då er alle starttidene klare.

Laga startar til følgande tider:
Herrar
Vik-Spele kl 1200
Viksdalen-Spele kl 1120
Jølster All Star-Spele kl 1000
Raymon VBK-Spele kl 1000
Bruspulverguttene-Spele kl 1000
Lambatattane-Spele kl 1120
Førde-Dømme kl 1000, spele kl 1040
Supergrisane 14-Spele kl 1000
KO-laget-Spele kl 1040

Damer
Breim United-Spele kl 1120
Gunns dreamteam-Spele kl 1040
Jølster U16-Spele kl 1000
Smashing pumpkins-Spele kl 1040
Tambar U16-Dømme kl 1000, spele kl 1040
Sturles Ynglingsdisiplar-Spele kl 1040
Førde U19-Spele kl 1000

Kampane blir spela etter dobbel eliminasjon, best av tre sett.
Alle setta startar på stillinga 5-5, og det er sett av 40 minutt til kvar kamp.

Slik gjekk det i fjor....

Her ser vi dei stolte vinnarane i herreklassen i fjor.
Bak fv.: Thomas Haug, linselus Arild Undheim, Geir Eithun og Andreas Haug.
I midten fv.: Asbjørn EIkenes, Kenneth Jørgensen og Jarle Mjåtveit.
Framme fv: Sjølve grisen.

Laget stiller for å forsvare tittelen, rett nok utan Geir, som er oppteken med proffspel i Polen. Som alle skjønar er turneringa eit flott springbrett for karriæren.

På damesida var det også eit Førdelag som vann med mellom andre Kristine Fossen og Mari Haug. Det ser ikkje ut til at dei stiller for å forsvare tittelen i år.

Turneringsprinsipp

Bilete over viser grafisk korleis prinsippet med dobbel eliminasjon fungerer. Dette er vanleg for dei som spelar sandvolley, og med åtte lag i ein klasse vil dette bli brukt. Enkelt fortalt er det cup-spel der ein må tape to kampar for å ryke ut.

Julegristurneringa 2006

Då er det snart klart for julegristurneringa 2006. Arrangementet finn stad i Naustdalshallen 2. juledag. Følgande lag er påmelde. For laga utan geografisk namn har eg lista i parantes kvar hovudtyngda frå laget kjem frå

Herrar
Vik
Viksdalen
Jølster All Star
Raymon VBK (Naustdal)
Bruspulverguttene (Naustdal)
Lambatattane (Sogndal)
Førde
Supergrisane 14 (Førde)

Damer
Breim United
Gunns dreamteam (Naustdal)
Jølster U16
Smashing Pumpkins (Naustdal/Førde)
Tambar U16
Sturles Ynglingsdisiplar (Naustdal)

Det er framleis opning for eit par damelag til om det kjem raskt.

Vi satsar på at dei første kampane skal starte kl 10, og at vi skal vere ferdige til kl 17.
Dei som har lengst reiseveg, Vik, Lambatattane, Viksdalen og Breim United, kan berekne at kampstart for sine første kampar skal vere kl 11.

Kampoppsettet vert lagt ut på denne sida 1.juledag.